"Roma" hujumchisi Paulo Dibala A Seriya doirasida "Frozinone"ga qarshi o‘yin boshlanishidan oldin o‘z fikrlarini bildirib o‘tdi.
Joze Mourinyo shogirdlari avvalgi turda “Jenoa”dan uchralgan mag‘lubiyatdan so‘ng (1:4) o‘zini tiklashga harakat qiladi. Chempionatning olti o‘yinidan so‘ng rimliklar bor-yo‘g‘i besh ochkoga ega.
“Jadvaldagi holatga qarasak, biz rejalashtirgan joyda emasmiz. Ammo mavsum endigina boshlandi va biz vaziyatni to‘g‘irlashni bugundan boshlashimiz kerak. Har birimiz klub, murabbiy va muxlislar uchun tirishqoqlik ko‘rsatishimiz kerak", - dedi argentinalik futbolchi o‘yindan oldin DAZN nashriga bergan intervyusida.
