"Ювентус" дарвозабони Войцех Шесни "Аталанта" билан ўйин натижасини мантиқий деб ҳисоблайди.
Бергамода бўлиб ўтган А Сериянинг 7-тур учрашувида жамоалар голлар билан томошабинларни хурсанд қила олишмади.
"Менимча, дуранг адолатли натижа, чунки биринчи бўлимда биз яхшироқ ўйнадик, танаффусдан кейин эса рақиб биздан устун эди. Якунда биз ҳеч бўлмаганда битта очко олиш муҳимлигини англадик, шунинг учун ҳам бор эътиборимизни ҳисобни ушлаб туришга қаратдик. Бироқ, "Ювентус" ҳар доим ғалаба қозониш учун ўйнайди, шунинг учун дуранг ҳар ҳолда икки очко йўқотишдир. Бугун ғалаба қозона олмаганимиз ачинарли, лекин биз жуда кучли рақибга қарши турдик”, - деди Шесний DAZN нашрига берган интервьюсида.
