"Атлетико Мадрид" дарвозабони Ян Облак клуб сафида 400 та ўйин ўтказди.
Якшанба кунги Ла Лиганинг "Кадис"га қарши ўйини словениялик учун юбилей бўлди. Облак дарвозаси дахлсизлигини сақлаб қола олмади, аммо бу Диего Симеоне шогирдларига 3:2 ҳисобида иродали ғалаба қозонишига халақит бермади.
Ян Облак "Атлетико Мадрид"га 2014 йилнинг июлида Португалиянинг "Бенфика" клубидан келиб қўшилган эди. “Матрасчилар” сафидаги 400 та учрашувда 30 ёшли дарвозабон ўз дарвозасидан 308 та гол ўтказиб юборди ва 194 та қуруқ ўйин қайд этди.
4 октябрь куни Мадрид клуби Чемпионлар лигаси доирасида Нидерландиянинг “Фейеноорд” жамоасини қабул қилади.