Мюнхеннинг "Бавария" клуби марказий ҳимоячи Жером Боатенг билан шартнома имзолашга шошилмаяпти.
Журналист Флориан Плеттенберг берган маълумотларга кўра, "қизил машина" раҳбарияти мухлисларнинг трансферга шубҳа билан қарашини тушуниб турибди. Клуб қарор қабул қилишдан олдин жамоатчиликнинг муносабатини кутиш ниятида.
Эслатиб ўтамиз, Боатенг "Бавария"да машғулот ўтказмоқда. Мюнхенликлар раҳбарияти ҳимоячининг таркибни кучайтиришига ишонч билдирмоқда. Бош мураббий Томас Тухель ҳам "ПСЖ"даги кунларидан бери жамоасида кўришни истаган футболчини ўз сафига қўшиб олмоқчи.