"Бавария" спорт директори Кристоф Фройнд клуб ҳақиқатдан ҳам марказий ҳимоячи Жером Боатенгни эркин агент сифатида сотиб олиши мумкинлигини айтди.
"Боатенг яқин 2-3 кун ичида биз билан машғулот ўтказади. Кейин музокаралар олиб борамиз ва қарор қабул қиламиз. Вазият қийин, чунки бир ҳафта ичида жароҳатлар туфайли уч нафар ҳимоячимиздан айрилдик. Қишки таътилга қадар бунинг ўрнини қоплашимиз керак", - деди Фройнд.
Эслатиб ўтамиз, 35 ёшли Боатенг аввал 2011 йилдан 2021 йилгача "Бавария"да ўйнаган. У жамоа билан икки марта Чемпионлар лигасида зафар қучган ва 9 марта Германия чемпионига айланган.
