"Манчестер Юнайтед" бош мураббийи Эрик тен Хаг мавсумни ёмон бошлаганидан хафа бўлди. Эслатиб ўтамиз, октябрь ойи бошига келиб "манкунианликлар" барча турнирларда 5 та мағлубият аламини тотиб кўришди, шундан 4 таси Англия Премьер-лигасининг дастлабки 7 турида содир бўлди.
"Ҳаммаси натижаларга боғлиқ. Биз уларни ҳозирча қўлга кирита олмаяпмиз, шу сабаб бу бизни ғазаблантирмоқда. Мухлислар юқори талаблар қўйишган ва шундай бўлиши керак. Жамоа ривожланмаяпти деб айта олмайман. Биз олдинга интиляпмиз, лекин нимадир қўшишимиз керак. Агар таркибда соғлом чап қанот ҳимоячиси бўлмаса, бу қийин", - деди Тен Хаг матбуот анжуманида.
Эртага "Манчестер Юнайтед" Чемпионлар Лигаси гуруҳ босқичининг 2-турида "Галатасарой"га қарши майдонга тушади.
