Мадриднинг “Атлетико” клуби ҳужумчиси Антуан Гризманн жамоани тарк этмоқчи эмас.
Ўтган ёзда француз Саудия Арабистонига кўчиб ўтиши мумкин эди, аммо фойдали таклифларни рад этди. El Mundo хабарига кўра, Гризманн юлдузлар орасида биринчилардан бўлиб Саудия клубларидан биридан қўнғироқ олган, бироқ агентдан фаолиятини давом эттириш вариантини билгач, у ҳатто қулоқ солмаган. Футболчи бор эътиборини "Атлетико Мадрид"га қаратган ва яқин келажакда яна клубни тарк этишни истамаяпти. Сўнгги миш-мишларга кўра, форвардга "ПСЖ" қизиқиш билдирмоқда.
Антуан Гризманнинг трансфер қиймати Transfermarkt экспертлари томонидан 25 миллион еврога баҳоланмоқда.