"Барселона" ҳужумчиси Жоау Феликс жамоа учун ярим ҳимоячи Френки де Йонгнинг аҳамиятини қайд этди.

Нидерландиялик футболчи жароҳати сабаб Каталония жамоасининг навбатдаги ўйинларини ўтказиб юборади. Чемпионлар лигаси доирасида "Порту"га қарши ўйин олдидан ўтказилган матбуот анжуманида Феликс 26 ёшли ярим ҳимоячи уни бошқа жамоадошларидан кўра кўпроқ ҳайратга солганини тан олди: "Мени энг кўп Де Йонг ҳайратда қолдирди. Мен Френкини аввалдан билардим, лекин унинг ўйинини яқиндан кўриш менга янада аниқроқ тасаввур берди. Унинг ўйинни тушуниши ва майдонда ўзини тутиши жуда таъсирли", - дея "Атлетико Мадрид"дан ижарага олинган португалиялик футболчининг сўзларини келтиради испан ОАВлари.