Саудия Арабистони 2034-йилги жаҳон чемпионатига мезбонлик қилишга даъвогарлик қилмоқда.

Мусобақага мезбонлик қилиш учун Яқин Шарқ давлати ариза топширади. Бу ҳақда Саудия Арабистони валиаҳд шаҳзодаси Муҳаммад бин Салмон ал-Сауд гапирди.

"Турнирни ўтказиш нияти бутун дунё бўйлаб тинчлик ва севги хабарини тарқатиш бўйича Қироллик томонидан амалга оширилган аниқ ва улкан саъй-ҳаракатларнинг тасдиғидир. Спорт бунинг учун энг муҳим жиҳатлардан биридир, чунки у турли ирқ ва маданият вакиллари ўртасидаги муҳим мулоқот воситасидир", — деди Саудия Арабистони қиролининг ўғли.

Аввалроқ ЖЧ-2030 Аргентина, Испания, Португалия, Уругвай, Парагвай ва Марокашда ўтказилиши маълум бўлганди. Турнирнинг 3 та очилиш ўйини Жанубий Америкада бўлиб ўтади.