"Наполи" ҳужумчиси Виктор Осимхен Чемпионлар лигаси доирасидаги ўйинда “Реал” вакилларини ҳайратда қолдира олди.
Неаполликлар ўз майдонида “Қироллик клуби”га мағлуб бўлди (2:3), нигериялик футболчи бирорта ҳам гол ура олмади, аммо Карло Анчелотти жамоаси ҳимоясида муаммо туғдирди.
TMW нашри хабарига кўра, "Реал Мадрид" Осимхеннинг ўйинини юқори баҳолаган, уни клуб келажакдаги трансфер мақсадларидан бири деб билади. Мадридликлар 24 ёшли форвардни 2024/25 йилги мавсум охирида якунига етадиган "Наполи" билан шартномасини узайтирмаса, шунингдек, Килиан Мбаппе борасидаги келишув муваффақиятсизликка учраса, уни кейинги йили сотиб олишга уриниб кўриши мумкин.
