Мадриднинг "Атлетико" клуби ҳужумчиси Антуан Гризманн Чемпионлар лигасидаги навбатдаги голини нишонлади.
Франциялик футболчи гуруҳ босқичининг 2-туридан ўрин олган уй учрашувида Нидерландиянинг "Фейеноорд" клуби дарвозасини ишғол қилди.
Squawka нашри хабарига кўра, Гризманнинг ҳисобида энди Чемпионлар лигасида урган голлар сони 31 тага етди - у энг нуфузли еврокубокларда 30 мартадан гол урган Уэйн Руни, Кака ва Самуел Это'они ортда қолдирди.