Дунёда нима кўп, спорт турлари кўп. Лекин шу спорт турларнинг ичида футболга қизиқмайдиган инсон камдан-кам учраса  керак, менимча.

Мен «Олтин тўп»нинг «энг яхши ўйинчи»га берилиши ҳақида бироз тўхталиб ўтсам.

Европанинг энг нуфузли нашрларининг бири бўлган WordSoccer порталида овоз бериш орқали «энг яхши футболчи» номи эълон қилинди.Бу ерда кучли ўнталикдан жой эгаллаган футболчиларнинг фоиз ҳисобида алоҳида ўрни аниқланган.Бундан кўриниб турибдики шу кучли ўнталикдан жой эгаллаган футболчиларнинг майдонда бажарадиган вазифаси ҳар хил.

Месси, Роналду, Фалькао, Неймар, Дрогба ва Азар ҳужумчилар, Иньеста, Пирло ва Хави яримҳимоячилар,фақат Касильяс дарвозабондир.

Биласиз футболда ҳар бир жамоани битта Бош мураббий бошқаради ва ўз ўрнида ўн битта футболчи ўйнайди. Ҳар бирининг майдонда бажарадиган вазифаси ҳар хил. Масалан дарвозабон ўз дарвозасининг голдан даҳлсизлигини таъминласа, яримҳимоячилар ҳужумни ташкил этади ва ўз вақтида ҳужумчиларни тўп билан таъминлайди,ҳужумчилар эса яратилган вазиятлардан унумли фойдаланиб рақиб дарвозасига гол уриш вазифасини бажаради. Мураббий эса тактик кўрсатмалар эвазига ўз жамоасининг ютуғини таъминлайди.

Ҳар йили кинофильмларни тақдирлаш маросимида ҳар бир йўналиш бўйича у режиссёр бўладими, ё актёр бўладими ва ҳоказоларга қилган меҳнатларини баҳолаб ҳар бирига алоҳида «Оскар» мукофоти топширилади.Бунда ҳар бир ижодкор ўзига яраша мукофотланади.

Демоқчиманки, майдоннинг ҳар бир чизиғи бўйича ўз вазифасини аъло даражада бажарган «энг яхшиларини» аниқлаб,ўларга алоҳида-алоҳида «Олтин тўп» совринини топширишса мақсадга мувофиқ бўлармиди,менимча.

Юқоридагиларни бир оддий мухлис сифатида ёздим,холос.

Абдумажид  Қодиров
(LASSETTIUZB никли мухлис)