“Рома” бош мураббийи Жозе Моуриньо “Рома” билан янги меҳнат шартномасини имзоламоқчи эмас. Томонлар ўртасидаги амалдаги шартнома 2024 йилнинг июн ойи охирида тугайди.
Todofichajes журналистларига маълум бўлишича, португалиялик мутахассис ўзини терма жамоада синаб кўрмоқчи. Моуриньо Италия, Англия ёки Бразилиядан таклифларни кўриб чиқишга тайёр. Жозе бор эътиборини совринларни қўлга киритишга қаратилган жамоа билан ишлашдан манфаатдор.
Эслатиб ўтамиз, италиялик мутахассис Карло Анчелотти аллақачон Бразилия терма жамоаси бошқаруви учун даъвогарлик қилмоқда.
