"Арсенал" бош мураббийи Арсен Венгер ўз жамоасининг бугунги таркиби рақобатбардошлиги юқори даражада эканлигини айтиб ўтди.

"Менда ишга жиддий ёндошмаган ўйинчилар гуруҳи бўлган. Мен жамоада кўзга кўринмаган футболчилар билан совринлар ютганман.

Топ-ўйинчилар кимлар? Улар қанча турадилар? Биз Жервиньони 8 миллион фунтга сотиб олдик, у яхши футболчи. Бошқа футболчиларнинг нархини ошкор қилмайман.

Таркибимиздаги футболчиларнинг савиясига эътироз билдира олмайсиз. Улар ўз терма жамоалари футболчиларидир.

Сиз уларнинг қанча маош олаётганликларини билмайсиз. Кейин эса баъзи ўйинчиларга қандайдир суммадаги маош бермасликда раҳбариятни танқид қилиш билан бирга, футболчилар ўзлари хоҳлаган маошни олаётганини ёзиб айблайсизлар. 

Биз ўз етакчи ўйинчиларига уч баравар маош тўлаётган "Манчестер Сити", "Челси" ва "Манчестер Юнайтед" каби жамоалар босими орасидамиз.
Катта трансфер деб нимани айтган бўлар эдим? Биз сизларни ажаблантириш учун январда Мессини сотиб оламиз!", - дея Венгернинг сўзларини келтиради Goal.com.