Лондоннинг «Арсенал» клуби «Ливерпуль» яримҳимоячиси Раҳим Стерлингга қизиқиш билдирмоқда. Бу ҳақда «The Telegraph» нашри хабар тарқатмоқда.
Лондонликлар селекционерлари 18 ёшли футболчининг бу мавсумда ўсганини ҳисобга олиб Арсен Венгерга уни таклиф қилишган. Эслатиб ўтамиз, ҳозирча Раҳим Стерлинг «Ливерпуль» билан ҳафтасига 20 минг фунтлик янги профессионал шартномага имзо чекаётгани йўқ.
Шунингдек, Венгер «Саутҳэмптон»нинг 17 ёшли чап қанот ҳимоячиси Люк Шоуни ҳам ўз жамоасига жалб қилмоқчи. Футболчи Киран Гиббсга муносиб ўринбосар сифатида қаралмоқда. Шоуга «Арсенал»дан ташқари «Челси» клуби ҳам қизиқиш билдирган.