Football.ua сайти Киевнинг "Арсенал" клубининг 2012/2013 йилги мавсумнинг дастлабки ярмидаги иштирокини таҳлил қилди. Қувонарли томони, кўпгина йўналишлар бўйича Максим Шацких жамоанинг энг яхши футболчиси бўлган. Қуйида берилаётган статистик кўрсаткичга эътибор беринг:

Барчадан энг кўп...
...ўйнаган футболчи: Максим Шацких - 18 (1493 дақиқа).
...гол урган футболчи: Максим Шацких - 5.
...голли узатма: Максим Шацких - 6.
...узатмалар: Леандро - 847 (82%).
...якка курашлар: Владимир Гоменюк - 327 (41%).
 ...зарбалар: Максим Шацких - 37 (17 дарвоза соҳасига)
... фоллар: Сергей Симоненко - 31.
... фол ишлади: Владимир Полевой - 23.

MVP (энг фойдали футболчи)
Максим Шацких Қозоғистон чемпионатига йўл олганида, барча футболчи билан хайрлашганди. Максим эса Украинага қайтди ва нафақат ўйнашни бошлади, балки жамоанинг етакчисига айланди. Мавсумнинг 18 турида "гол+пас" тизими бўйича Шацкихнинг ҳисобида 11 балл йиғилди. Максим рақиб жарима майдончаси ичида рақибларига аниқ пас бериш бўйича яққол етакчи — 70та узатма. Бу кўрсаткич бўйича "Арсенал"нинг иккинчи ўриндаги футболчи Владимир Полевой ҳисобида 32та аниқ пас бор. Украина чемпионати бўйича эса Шацкихни фақат "Шахтёр" футболчиси Дарио Срна ортда қолдирган — 113та аниқ узатма. Шунингдек, Шацких рақиб дарвозаси томон 17та аниқ зарба йўллаган. Уни барча жойда ҳозиру-нозир футболчи дея аташ қийиндир, аммо у ҳақиқий плеймейкер!