Альваро Мората Чемпионлар лигасида ҳафтанинг энг яхши футболчисига айланди.

«Атлетико» форварди гуруҳ босқичининг 2-турида «Фейеноорд»га қарши ўйинда (3:2) дубл қайд этди.

Мората «Манчестер Юнайтед» ҳужумчиси Расмус Хёйлунд («Галатасарой»га қарши дубл), «Реал» ярим ҳимоячиси Жуд Беллингем («Наполи»га гол ва голли узатма) ва «Брага» вингери Брума («Унион»га гол ва голли узатма)ни ортда қолдирди.

Европа Лигасида ҳафтанинг энг яхши футболчиси Праганинг «Славия» клуби ярим ҳимоячиси Моймир Хитил «Шериф» билан ўйинда (6:0) дубл қайд этди.

Чех футболчиси «Рома» ҳужумчиси Андреа Белотти (Серветтега қарши дубл), «Вест Хэм» ярим ҳимоячиси Лукас Пакета («Фрайбург»га гол) ва «Аталанта» ҳимоячиси Маттео Ружерри («Спортинг»га гол) ортда қолдирди.

Конференциялар лигасида «Нордшелланд» ярим ҳимоячиси Бенжамин Нюгрен «Лудогорец»га (7:1) қарши ўйинда урган дубл учун энг яхши деб топилди.