"Манчестер Сити" хўжайини шайх Мансур бин Зоид Ал Наҳаён Буюк Британия ташқи ишлар вазирлиги томонидан олиб борилаётган тергов туфайли футбол клубидан айрилиши мумкин.
Sports.es хабарига кўра, 52 ёшли шайх Россия билан алоқада бўлган ва россиялик тадбиркорларга БААга пул ўтказишда ёрдам берганликда айбланмоқда. Британия ташқи ишлар вазири Жеймс Клеверли бу масалани назоратга олди.
Премьер-лига қоидаларига кўра, клуб эгалари инсон ҳуқуқларини бузгани ва солиқ тўлашдан бўйин товлагани учун бошқарувдан четлатилиши мумкин.
Мансур 2008 йилда "Манчестер Сити"нинг асосий эгасига айланди. У билан клуб 21 та совринни қўлга киритди.
