Каталониянинг «Барселона» клуби ҳужумчиси Исаак Куэнка бир қатор клубларнинг қизиқиш доирасига тушиб қолган. Қишки трансферлар пайтида футболчини ижарага олиш учун клублар ҳаракат қилиб кўришмоқчи.
Қолган жамоалардан кўпроқ «Валенсия» 21 ёшли футболчини ижарага олишни хоҳламоқда, деб ёзади «Barcastuff» твиттер-аккаунти «Соре» радиоси маълумотларига таяниб.
Эслатиб ўтамиз, Куэнка бу мавсумда каталонияликлар сафида бирорта ҳам ўйинда майдонга тушгани йўқ. Олти ой муқаддам жароҳат олиб сафдан чиққан футболчи, бор-йўғи икки ҳафта олдин дастлабки машғулотларига киришган. Тез орада Куэнка майдонга тушиш учун тайёр ҳолатда бўлиши кутилмоқда.