"Бёрнли" бош мураббийи Венсан Компани Лондоннинг "Челси" клубидан ҳимоячи Ян Матсеннинг муваффақиятсиз трансферини эслади. Эслатиб ўтамиз, нидерландиялик футболчи ўтган мавсумда айнан Компани жамоасида ижара асосида ўйнаганди.
"У биз билан ажойиб мавсум ўтказди ва биз доимий равишда сақлаб қолмоқчи бўлган футболчиларимиздан бири эди. Унинг қарори "Челси"да қолиш эди. Мен унинг танловини тўлиқ ҳурмат қиламан", - деди Компани матбуот анжуманида.
Трансфер ойнасининг сўнгги кунида Матсен "Бёрнли"га қайтиши мумкин эди, аммо охир-оқибат бу имкониятдан воз кечиб, "Челси"да қолишга қарор қилди.
