"Арсенал" бош мураббийи Микель Артета "Манчестер Сити"га қарши АПЛ 8-тур учрашувида ҳужумчи Букайо Саканинг иштироки ҳақида ўз фикрлари билан ўртоқлашди.
“Унинг иштироки шубҳали. Келинг, якшанба куни у ўзини қандай ҳис қилаётганини кўрамиз. Олдинги ўйинда у майдонни тарк этишга мажбур бўлган, бу ҳеч қачон яхши хабар эмас. Биз унинг ҳолатига эътибор қаратамиз", - дея Артета сўзларини келтиради журналист Бен Жейкобс Twitterда.
3 октябрь куни Чемпионлар лигаси гуруҳ босқичи 2-туридан ўрин олган “Ланс”га қарши ўйинда 22 ёшли англиялик мушак жароҳати туфайли ўйиннинг 34-дақиқасида алмаштирилганди.
"Манчестер Сити" - "Арсенал" учрашуви 8 октябрь куни бўлиб ўтади. Тошкент вақти билан 20.30 да бошланади.
