"Arsenal" bosh murabbiyi Mikel Arteta "Manchester Siti"ga qarshi APL 8-tur uchrashuvida hujumchi Bukayo Sakaning ishtiroki haqida o‘z fikrlari bilan o‘rtoqlashdi.
“Uning ishtiroki shubhali. Keling, yakshanba kuni u o‘zini qanday his qilayotganini ko‘ramiz. Oldingi o‘yinda u maydonni tark etishga majbur bo‘lgan, bu hech qachon yaxshi xabar emas. Biz uning holatiga e’tibor qaratamiz", - deya Arteta so‘zlarini keltiradi jurnalist Ben Jeykobs Twitterda.
3 oktyabr kuni Chempionlar ligasi guruh bosqichi 2-turidan o‘rin olgan “Lans”ga qarshi o‘yinda 22 yoshli angliyalik mushak jarohati tufayli o‘yinning 34-daqiqasida almashtirilgandi.
"Manchester Siti" - "Arsenal" uchrashuvi 8 oktyabr kuni bo‘lib o‘tadi. Toshkent vaqti bilan 20.30 da boshlanadi.
