«Тоттенхэм» Премьер-лига мавсуми бошида бирор ўйинда мағлуб бўлмади.
Англия чемпионатининг 8-турида Анже Постекоглу шогирдлари «Лутон»дан устун келди – 1:0. Лондонликлар иккинчи бўлим давомида озчиликда ўйнашди - Ив Бисума танаффусга қадар қизил карточка олди.
«Тоттенхэм» Постекоглу тайинланганидан бери Премьер-лигада бирор марта мағлубият аламини тотиб кўрмади - унинг ҳисобида 6 ғалаба ва 2 дуранг бор.
«Шпорлар» 20 очкога эга ва Премьер-лига турнир жадвалида 1-ўринда бормоқда, бироқ барча рақиблар биттадан кам ўйин ўтказган.
«Тоттенхэм» навбатдаги лига ўйинини 23 октябрь куни «Фулхэм»га қарши ўтказади.
