«Tottenxem» Premyer-liga mavsumi boshida biror o‘yinda mag‘lub bo‘lmadi.
Angliya chempionatining 8-turida Anje Postekoglu shogirdlari «Luton»dan ustun keldi – 1:0. Londonliklar ikkinchi bo‘lim davomida ozchilikda o‘ynashdi - Iv Bisuma tanaffusga qadar qizil kartochka oldi.
«Tottenxem» Postekoglu tayinlanganidan beri Premyer-ligada biror marta mag‘lubiyat alamini totib ko‘rmadi - uning hisobida 6 g‘alaba va 2 durang bor.
«Shporlar» 20 ochkoga ega va Premyer-liga turnir jadvalida 1-o‘rinda bormoqda, biroq barcha raqiblar bittadan kam o‘yin o‘tkazgan.
«Tottenxem» navbatdagi liga o‘yinini 23 oktyabr kuni «Fulxem»ga qarshi o‘tkazadi.
