Ханчжоу-2022 Осиё ўйинлари бугун якунига етади. Беллашувлар якунланиб улгурмасидан Ўзбекистон делегацияси медаллар сони ва сифати бўйича Осиё ўйинлари тарихидаги энг яхши натижасини қайд этди. Ҳозирда делегациямиз ҳисобидаги медаллар 22 та олтин, 18 та кумуш ва 31 та бронза, умумий 71 тани ташкил этмоқда.

Шу пайтгача энг яхши натижамиз 2018 йил Индонезияда ўтган Осиё ўйинларида қайд этилган эди. Унда делегациямиз 20 та олтин, 24 та кумуш ва 25 та бронза, жами 69 та медалга сазовор бўлган эди. Бу сафар сифат ва сон бўйича ҳам рекордлар янгиланди.

Барча ҳамюртларимизни музаффар атлетларимизнинг ушбу ютуғи билан муборакбод этамиз. Ғалабалар бардавом бўлсин!