Xanchjou-2022 Osiyo o‘yinlari bugun yakuniga yetadi. Bellashuvlar yakunlanib ulgurmasidan O‘zbekiston delegasiyasi medallar soni va sifati bo‘yicha Osiyo o‘yinlari tarixidagi eng yaxshi natijasini qayd etdi. Hozirda delegasiyamiz hisobidagi medallar 22 ta oltin, 18 ta kumush va 31 ta bronza, umumiy 71 tani tashkil etmoqda.

Shu paytgacha eng yaxshi natijamiz 2018 yil Indoneziyada o‘tgan Osiyo o‘yinlarida qayd etilgan edi. Unda delegasiyamiz 20 ta oltin, 24 ta kumush va 25 ta bronza, jami 69 ta medalga sazovor bo‘lgan edi. Bu safar sifat va son bo‘yicha ham rekordlar yangilandi.

Barcha hamyurtlarimizni muzaffar atletlarimizning ushbu yutug‘i bilan muborakbod etamiz. G‘alabalar bardavom bo‘lsin!