Собиқ “Олтин тўп” соҳиби Фабио Каннаваро мураббийлик фаолиятини ривожлантиришга уриниб кўрди, бироқ негадир бу унга иш бермади – у “Беневенто”да Италия Б Сериясида ҳам ўз ўрнини топа олмади. Шунга қарамай, Каннаваро қачондир унинг кўчасида байрам бўлишига ишонади.
"Футболчи сифатида ғалаба қозонишга ўрганиб қолганман, мураббий сифатида ҳам шундай қилишни хоҳлайман. Албатта, қачондир Туриннинг “Ювентус” клубини бошқаришни истардим. Ва мен ўйнаган бошқа йирик клублар, масалан, "Реал Мадрид" ёки "Наполи" ҳам бу рўйхатда бор", - дея Фабио Каннаваро сўзларини келтиради Италиянинг ITASportPress агентлиги.
