Англиялик собиқ футболчи Дэвид Бекхэм "Манчестер Юнайтед" бош мураббийи Эрик тен Хаг ҳақида ўз фикрини айтди.
“Қизил иблислар” мавсумни ёмон бошлашди ва натижада нидерландиялик мураббий жиддий босим остида қолди. Сўнгги дақиқаларда Скотт МакТоминайнинг дубли эвазига "Брентфорд" устидан қозонилган бугунги ғалаба (2:1) жамоа учун Премьер-лиганинг саккизта учрашувидаги тўртинчиси бўлди.
“Менимча, Тен Ҳаг яхши мураббий. Босим остида унга осон бўлмаслигини биламиз. Ғалабалар орқали бу танқидлар тўхташини истаймиз", - деди "Юнайтед"нинг собиқ футболчиси ва Американинг "Интер Майами" клубининг ҳозирги эгаси Sky Sports нашрига берган интервьюсида.
