Журналистларга интервью беришни ёқтирмайдиган Наманган ўғлони Анвар Солиев янги мавсумни бошқа жамоада бошлаши мумкин.

Маълумотларга қараганда, Солиевнинг олдида 2-3 та яхши таклифлар бор. Ҳозирда маҳоратли ҳужумчи келгуси фаолияти ҳақида бош қотирмоқда. Бундан бbр неча йил аввал Анвар Солиев қайсидир рўзномага интервью бериб, яқин орада «Навбаҳор»га қайтиб, фаолиятини шу жамоада тугатишини айтиб ўтганди.

Шу гапларга ҳам 5-6 йил бўлиб қолди. Лекин Солиевдан дарак йўқ! Фикримизча, ҳозир «Навбаҳор»га қайтишнинг айни вақти! Яна икки мавсум тўп тепиб, аста-секин мураббийлик фаолиятини ҳам бошлаш мумкин. Ҳозирги пайтда «Навбаҳор»га маҳаллий кадрлар жуда зарур!

Маҳаллий футболчилар ҳақида гап кетганда, Обид Жўрабоев («Шўртан»), Отабек Валижонов («Андижон»), Мақсуд Ҳайитов («Андижон»), Шавкат Насибуллаев («Нефтчи»), Шуҳрат Мирҳолдиршоев («Насаф»), Исроил Эргашев («Олмалиқ»), Баҳром Йўлдошев («Олмалиқ»), Мирзоҳид Ғофуров («Машъал»), Хайрулла Каримов («Бунёдкор») сингари Наманган ўғлонларининг маҳорати бизга кўр асқотиши аниқ. Мана, «Насаф» қашқадарёлик футболчиларни бир ерга тўплашга ҳаракат қилмоқда. Қани энди Наманганда ҳам собиқ «лочинлар» саф тортишса...

Қайтинглар энди...