Мадриднинг "Реал" клуби бош мураббийи Карло Анчелотти Ла Лиганинг 9-турида “Осасуна”га қарши ўйинда (4:0) дубль қайд этган Жуд Беллингем ҳақида фикрлари билан ўртоқлашди.

"Беллингемдан кутган мақсадларим учун "планка"ни кўтаришга қарор қилишим керакми? "Реал Мадрид" Жуд каби ажойиб футболчи билан шартнома имзолашга муваффақ бўлди. Биз бундан жуда хурсандмиз.

У бу лаҳзани жуда хотиржам бошдан кечирмоқда. У буни тушунади, марказ ҳужумчиси эмаслигини ҳамма тушунади. Унинг устуворлиги гол уриш эмас. У плеймейкер, майдон марказидаги ўйинчи. Вақти келиб, унинг ҳиссаси бошқача бўлади", - деди италиялик мураббий The Athletic билан суҳбатда.

Жорий мавсумда 20 ёшли ярим ҳимоячи "Қироллик клуби" сафида барча мусобақаларда ўнта ўйинда қатнашиб, ўнта гол ва учта голли узатмани амалга оширди.