Madridning "Real" klubi bosh murabbiyi Karlo Anchelotti La Liganing 9-turida “Osasuna”ga qarshi o‘yinda (4:0) dubl qayd etgan Jud Bellingem haqida fikrlari bilan o‘rtoqlashdi.

"Bellingemdan kutgan maqsadlarim uchun "planka"ni ko‘tarishga qaror qilishim kerakmi? "Real Madrid" Jud kabi ajoyib futbolchi bilan shartnoma imzolashga muvaffaq bo‘ldi. Biz bundan juda xursandmiz.

U bu lahzani juda xotirjam boshdan kechirmoqda. U buni tushunadi, markaz hujumchisi emasligini hamma tushunadi. Uning ustuvorligi gol urish emas. U pleymeyker, maydon markazidagi o‘yinchi. Vaqti kelib, uning hissasi boshqacha bo‘ladi", - dedi italiyalik murabbiy The Athletic bilan suhbatda.

Joriy mavsumda 20 yoshli yarim himoyachi "Qirollik klubi" safida barcha musobaqalarda o‘nta o‘yinda qatnashib, o‘nta gol va uchta golli uzatmani amalga oshirdi.