"Реал" ярим ҳимоячиси Жуд Беллингем ўзининг ўйин маҳорати ҳақида гапирди.
20 ёшли футболчи номинал ярим ҳимоячи учун тасаввур қилиб бўлмайдиган ўйин кўрсатмоқда. У "Реал" учун ўнта ўйинда ўнта гол урди.
Англиялик ҳар томонлама иқтидорли футболчи саналади, аммо ўзи ҳам тан олганидек, у ўйинининг бир жиҳатини яхшилашни хоҳлайди: “Мен нимада яхшироқ бўлишим мумкин? Иккала оёғимни ҳам бирдек яхши ишлатишни хоҳлайман. Ҳар икки қанотдан бурчак тўпини бера оладиган Усмон Дембеле каби ўйинчиларни томоша қилиш жуда ёқади", - дейди Жуд.
