"Тоттенхэм" клуби техник директори лавозимига даниялик Йохан Ланге тайинланганини эълон қилди.
Маълум қилинишича, Ланге 2023 йилнинг 1 ноябрида иш бошлайди. У клуб тизимида кадрларни танлаш, таҳлил қилиш ва иқтидорларни аниқлаш учун жавобгар бўлади. "Тоттенхэм"нинг собиқ техник директори Фабио Паратичи апрель ойида ФИФА санкциялари туфайли клубни тарк этганди.
43 ёшли даниялик сўнгги уч йил давомида "Астон Вилла"да ишлади. У дастлаб клубнинг спорт директори, кейин эса футболни ривожлантириш ва халқаро академиялар директори лавозимида ишлаган.
