Франция терма жамоасининг октябрь ойидаги ўйинлари учун ўзгаришлар бўлди.
Дастлаб Дайо Упамекано ўрнига ҳимоячи Аксель Дисаси жамоанинг жойлашган жойига чақирилди. Бироқ, кейинчалик футболчида жароҳат борлиги аниқлангани учун Дисаси ўрнига Кастелло Лукеба келиши маълум бўлди. Лукеба илк бор Франция терма жамоасига чақирилди.
"Челси" ҳимоячиси Дисаси чап соннинг тўрт бошли мушаклари йиртилгани ҳақида хабар берилган эди.
Шунингдек, терма жамоада Жюль Кунденинг ўрнини "Челси" ҳимоячиси Мало Густо эгаллайди.
13 октябрь, жума куни Франция терма жамоаси Евро-2024 саралаш турнири доирасида Нидерландияга қарши баҳс олиб боради, 17 октябрь куни эса Шотландия билан ўртоқлик учрашуви ўтказилади.