Ҳуқуқлари "ПСЖ"га тегишли бўлган қанот ҳимоячиси Норди Мукиэле фаолиятини Англия Премьер-лигасининг топ-клубида давом эттириш имкониятига эга. Бу ҳақда Todofichajes журналистлари хабар бермоқда.
Манбага кўра, 25 ёшли франциялик футболчини ўз сафига "Манчестер Юнайтед" қўшиб олмоқчи. Манкунианликлар ҳимояни кучайтирмоқчи ва Мукиэлени асосий номзодлардан бири сифатида кўрмоқда. Келишув январь ойидаги трансфер ойнасида якунланиши мумкин.
Норди ўтган ёздан бери Париж грандида тўп тепмоқда. Томонлар ўртасидаги меҳнат шартномаси 2027 йилнинг июнь ойи охирида тугайди ва унинг трансфер нархи 18 миллион еврони ташкил қилади.