Huquqlari "PSJ"ga tegishli bo‘lgan qanot himoyachisi Nordi Mukiele faoliyatini Angliya Premyer-ligasining top-klubida davom ettirish imkoniyatiga ega. Bu haqda Todofichajes jurnalistlari xabar bermoqda.
Manbaga ko‘ra, 25 yoshli fransiyalik futbolchini o‘z safiga "Manchester Yunayted" qo‘shib olmoqchi. Mankunianliklar himoyani kuchaytirmoqchi va Mukieleni asosiy nomzodlardan biri sifatida ko‘rmoqda. Kelishuv yanvar oyidagi transfer oynasida yakunlanishi mumkin.
Nordi o‘tgan yozdan beri Parij grandida to‘p tepmoqda. Tomonlar o‘rtasidagi mehnat shartnomasi 2027 yilning iyun oyi oxirida tugaydi va uning transfer narxi 18 million yevroni tashkil qiladi.