"ПСЖ" ҳужумчиси Килиан Мбаппе 2018 йилдан бери энг ёмон голсиз сериясини давом эттирмоқда. 24 ёшли ҳужумчи парижликлар сафида қаторасига тўртта ўйиндан бери гол ура олмаяпти.
Бу ҳужумчининг 2018 йил баҳоридан бери энг ёмон сериясидир. Ўшанда Килиан кетма-кет бешта учрашувда рақиблар дарвозасига тўп кирита олмаганди.
Жорий мавсумда Мбаппе барча турнирларда тўққизта ўйинда иштирок этиб, саккизта гол урди. Лига 1нинг 8-тури натижаларига кўра парижликлар 15 очко жамғариб, турнир жадвалида учинчи ўринда бормоқда. Луис Энрике шогирдлари чемпионатдаги навбатдаги ўйинини “Страсбург”га қарши ўтказади.