"Реал Мадрид"нинг фикрича, апелляция Начо Фернандесга "Барселона"га қарши ўйинда майдонга тушишга ёрдам бера олмайди.
Ҳимоячи Ла Лига 8-турининг 93-дақиқасида “Жирона” футболчисига нисбатан қўполлик ишлатгани учун қизил карточка олди. 33 ёшли футболчи 3 та ўйинга дисквалификация қилинди ва 600 евро жаримага тортилди.
"Реал" бу қарор устидан апелляция берди, бироқ AS хабарига кўра, улар пессимистик. Клубнинг фикрича, дисквалификаcия муддати 2 ўйинга қисқариши даргумон. Шу боис, Начо Фернандес 28 октябрь куни бўлиб ўтадиган "Барселона"га қарши ўйинда майдонга тушмаслик эҳтимоли юқори.
Ушбу мавсумда ҳимоячи Ла Лигада 6 та ўйинда майдонга тушди.
