"Эвертон" "Манчестер Сити" ярим ҳимоячиси Калвин Филлипсга қизиқиш билдирмоқда. Журналист Марк Дуглас хабарига кўра, англиялик футболчи январдаги трансфер ойнасида жамоасини тарк этишга тайёр. Шунингдек, “шаҳарликлар” ҳам ярим ҳимоячи билан хайрлашишга қарши эмас.
Эслатиб ўтамиз, Филлипс 2022 йилнинг ёзида “Манчестер Сити”га ўтган, ўшанда у “Лидс”дан 50 миллион евро эвазига сотиб олинган эди. Ўшандан бери англиялик футболчи тез-тез жароҳат олиб, "шаҳарликлар"нинг асосий таркибидан жой ололмади.
Филлипсга аввалроқ бошқа клублар ҳам кўз тиккан эди. Қизиқиш билдирган жамоалар орасида "Ливерпуль", "Вест Хэм" ва "Ньюкасл" ҳам бор эди.