Машҳур инсайдер Фабрицио Романо Эден Азарда фаолиятини давом эттириш учун қандай имкониятлар бўлганини айтди.
Сешанба куни 32 ёшли бельгиялик футболчилик фаолиятини якунлаш қарорини эълон қилди. Собиқ вингер ўтган мавсум охирида "Реал"ни тарк этганидан бери эркин агент сифатида қолаётган эди. Романонинг сўзларига кўра, сўнгги тўрт ой ичида Азарга МЛС ва Саудия Арабистони чемпионати клубларидан таклифлар бўлган, бироқ футболчини ҳеч бир вариант ишонтирмаган - у анчадан буён ўз фаолиятини якунлашга мойил бўлган.
Эден Азар 4 йил давомида "Реал"да ўйнади. Ўтган мавсумда футболчи Карло Анчелотти жамоасида ўнта ўйин ўтказиб, битта гол ва иккита голли узатмага муаллифлик қилган.
