Mashhur insayder Fabrisio Romano Eden Azarda faoliyatini davom ettirish uchun qanday imkoniyatlar bo‘lganini aytdi.
Seshanba kuni 32 yoshli belgiyalik futbolchilik faoliyatini yakunlash qarorini e’lon qildi. Sobiq vinger o‘tgan mavsum oxirida "Real"ni tark etganidan beri erkin agent sifatida qolayotgan edi. Romanoning so‘zlariga ko‘ra, so‘nggi to‘rt oy ichida Azarga MLS va Saudiya Arabistoni chempionati klublaridan takliflar bo‘lgan, biroq futbolchini hech bir variant ishontirmagan - u anchadan buyon o‘z faoliyatini yakunlashga moyil bo‘lgan.
Eden Azar 4 yil davomida "Real"da o‘ynadi. O‘tgan mavsumda futbolchi Karlo Anchelotti jamoasida o‘nta o‘yin o‘tkazib, bitta gol va ikkita golli uzatmaga mualliflik qilgan.