Мадриднинг «Атлетико» клуби ҳужумчиси Альваро Мората Саудия клубига ўтиши мумкинлиги ҳақидаги саволга жавоб берди.
«Менда Саудия Арабистонидан вариантлар бор эди. Улар мени хоҳлайдиган кучли жамоаларми ёки йўқ, билмайман, лекин менда доим вариантлар бўлган», - дея Моратанинг сўзларини келтиради El Larguero.
30 ёшли испаниялик футболчи 2020 йилдан буён Мадриднинг «Атлетико» клубида тўп тепади. Жорий мавсумда ҳужумчи барча мусобақаларда саккизта ўйинда майдонга тушиб, еттита гол урди. Моратанинг «матрасчилар» билан шартномаси келаси йилнинг ўрталарига қадар тузилган.
