Madridning «Atletiko» klubi hujumchisi Alvaro Morata Saudiya klubiga o‘tishi mumkinligi haqidagi savolga javob berdi.
«Menda Saudiya Arabistonidan variantlar bor edi. Ular meni xohlaydigan kuchli jamoalarmi yoki yo‘q, bilmayman, lekin menda doim variantlar bo‘lgan», - deya Morataning so‘zlarini keltiradi El Larguero.
30 yoshli ispaniyalik futbolchi 2020 yildan buyon Madridning «Atletiko» klubida to‘p tepadi. Joriy mavsumda hujumchi barcha musobaqalarda sakkizta o‘yinda maydonga tushib, yettita gol urdi. Morataning «matraschilar» bilan shartnomasi kelasi yilning o‘rtalariga qadar tuzilgan.
