Transfermarkt портали Италия А Сериясининг нархи энг кўп қимматлаган футболчилари рейтингини эълон қилди.
Вақтинчалик янгиланиш натижасида «Интер» ҳужумчиси Лаутаро Мартинес рейтинг етакчисига айланди – у 15 миллион еврога қимматлаган ва ҳозирда 100 миллион еврога баҳоланмоқда.
Иккинчи ўринда унинг жамоадоши – ҳимоячи Федерико Димарко, унинг нархи 10 миллион еврога кўтарилиб, 45 миллион туради.
Учинчи ўринни «Милан» ҳимоячиси Малик Тшау эгаллади – унинг нархи ҳам 10 миллионга кўтарилиб, ҳозирда 30 миллионни ташкил этди.
