Инсайдер Фабрицио Романо ўзининг ижтимоий тармоқларида "ПСЖ", "Лилль", "Ницца" ва бошқа клубларнинг собиқ устози Кристоф Галтье Қатарнинг "Ал-Дуҳаил" клуби билан шартнома имзолагани ҳақида хабар берди.
Ўтган мавсум франциялик мутахассис учун унчалик муваффақиятли бўлмади. "ПСЖ" билан у 1/8 финал босқичида Чемпионлар лигасидан чиқиб кетди, парижликлар билан Франция чемпионига айланди, аммо мавсум охирида у ирқчилик жанжалига тушиб қолди ва июль ойида парижликлар у билан шартномасини бекор қилди.
Эслатиб ўтамиз, Фелипе Коутиньо айни дамда "Ал-Дуҳаил" сафида тўп сурмоқда.
