Лондоннинг “Челси” клуби ҳужумчиси Николас Жексон халқаро танаффус вақтида Сенегал терма жамоасини тарк этди ва қўлини операция қилди, дея хабар беради “90min” ўз саҳифаларида.
Эслатиб ўтамиз, сентябрь ойи охирида Лига кубоги доирасидаги "Брайтон"га қарши ўйинда у билагини жароҳатлаб, майдонни тарк этганди. Манбага кўра, жароҳат жиддий эмас, аммо ҳужумчи халқаро ўйинларда қатнашишдан кўра жарроҳлик амалиётини афзал кўрган. Тахминларга кўра, ундан тикланиш Жексонга кўп вақтни ўтказиб юборишга имкон бермайди ва у 21 октябрга қадар, яъни "кўклар" Премьер-лигада "Арсенал"га қарши ўйинда тайёр бўлади.
Жорий мавсумда Жексон Премьер-лига ва Лига кубогининг тўққизта учрашувида учта гол урди. У ўтган ёзда "Вильярреал"дан Лондон жамоасига келиб қўшилганди.
