Мёнхенгладбахнинг "Боруссия" клуби ярим ҳимоячиси Куадио Коне "Бавария"га ўтиши мумкин.
Get German Football News хабарига кўра, мюнхенликлар 22 ёшли франциялик футболчининг трансфери борасида "Боруссия" билан боғланишган. Хабар қилинишича, ҳозирча бу борада расмий таклиф бўлмаган, томонлар фақат дастлабки суҳбатни ўтказишган. "Бавария" Конени кам пул эвазига қўлга киритишига умид қилмоқда, дея таъкидлайди манба.
Жорий мавсумда франциялик футболчи майдонга бор-йўғи иккита ўйинда майдонга тушди.
Коненинг "Боруссия" билан шартномаси 2025 йилнинг ёзига қадар мўлжалланган. Transfermarkt портали экспертлари футболчининг нархини 40 миллион еврога баҳоламоқда.