Мадриднинг “Реал” клуби ярим ҳимоячиси Лука Модрич жорий мавсумдаги ўйин вақти ҳақидаги саволга жавоб берди.
“Албатта, бу мен учун янги ҳолат, мен хоҳлаганча ўйнай олмайман. Мен ҳар доим ўйнашни хоҳлайман, дам олишни эмас. Шу дақиқаларда ўзимни энг яхши ҳолатда ҳис қиляпман", - дея Модрич сўзларини келтирмоқда Madrid Universal.
Жорий мавсумда 38 ёшли ярим ҳимоячи Испания чемпионати ва Чемпионлар лигасида тўққизта ўйинда иштирок этди. Бу учрашувларда хорватиялик бирорта ҳам самарали ҳаракатларни амалга ошира олмади.
"Реал Мадрид"нинг бўлажак ўйини 22 октябрь куни бўлиб ўтади. "Қаймоқранглилар"га "Севилья" рақиб бўлади.