Madridning “Real” klubi yarim himoyachisi Luka Modrich joriy mavsumdagi o‘yin vaqti haqidagi savolga javob berdi.
“Albatta, bu men uchun yangi holat, men xohlagancha o‘ynay olmayman. Men har doim o‘ynashni xohlayman, dam olishni emas. Shu daqiqalarda o‘zimni eng yaxshi holatda his qilyapman", - deya Modrich so‘zlarini keltirmoqda Madrid Universal.
Joriy mavsumda 38 yoshli yarim himoyachi Ispaniya chempionati va Chempionlar ligasida to‘qqizta o‘yinda ishtirok etdi. Bu uchrashuvlarda xorvatiyalik birorta ham samarali harakatlarni amalga oshira olmadi.
"Real Madrid"ning bo‘lajak o‘yini 22 oktyabr kuni bo‘lib o‘tadi. "Qaymoqranglilar"ga "Sevilya" raqib bo‘ladi.
