Англия терма жамоаси ва "Ливерпул"нинг собиқ футболчиси Жейми Каррагер бельгиялик ярим ҳимоячи Эден Азар фаолиятини якунлагани ҳақида фикр билдирди.

"Эден тўрт йил давомида Англияда энг яхши футболчи бўлди. Премьер-лиганинг энг яхши футболчиси учун совринни қўлга киритди. "Челси" аъзоси сифатида у Чемпионлар лигасидан ташқари барча унвонларни қўлга киритди. Шубҳасиз, у Премьер-лиганинг барча даврлардаги энг яхши футболчиларидан бири. У, албатта, рамзий терма жамоаларга киритилади.

Ҳозир одамлар ундан норози, чунки у Бельгия билан жаҳон чемпионатида ғалаба қозона олмади ва "Реал"да етакчига айланмади", — деб пост қолдирди Каррагер ижтимоий тармоқларда.

Эслатиб ўтамиз, 32 ёшли Азар 10 октябрь куни футболчилик фаолиятини якунлаганини эълон қилган эди.